|
|
|
|
Menù Poesie :
LA MIA TERRA AMORI E AFFETTI
PER RIFLETTERE
VERSI...ESTROVERSI
|
L’INFERNU A LU MAGAZZOLU
Nel mezzo del cammin di la me vita fici ‘na gita a ‘u sciumi Magazzolu, siccomu la via giusta avia smarrita ivu a finiri ‘mmezzu ad un violu; la menti mia arristà assai stupìta ca è tutta ‘na discarica ddu solu. Chi ‘mprissioni appi quannu vitti : trabacchi, matarazza e fitintizza, mutura, cupirtuna e anchi marmitti e sacchi vari ‘mmezzu a la schifizza. C’eranu puru lastri d’eternitti, un veru monumentu a la munnizza. Ddu sciumi è chinu chinu di stirpagli, di seggi, frigoriferi e stipetti, cucini, lavatrici, cianfrusagli, cappotti, mutannuna e riggipetti; e tubi, e batterii ‘mmezzu a firragli, e sterru, e lanni, e ligna…e milli oggetti ! Ci curpa quarchi testa supraffina ca ogni cosa ddà và a scarricari, si Diu ‘nni scanza cala quarchi china tutti sti cosi li fa trascinari; la spiaggia a Siccagranni và in ruvina e nascerà un Museu dintra lu mari. Siddu di ‘ncelu scinni Patri Danti e s’introduci ‘nti sta selva oscura n’atra Cummedia scrivi sull’istanti parlannu di sta bolgia senza cura. Perciò, all’erta, cari guvirnanti, truvati: sordi, omini e trattura. Si dici: “lu Turismu è la spiranza” , ma stu prugettu parti malamenti, senza rimedi e senza vigilanza stranieri ccà nun ci nni vennu nenti. Si chista Archeologia amà mustrari a li turista li farà scappari. |